LIVE TV
മമ്മൂട്ടി ആരാധകരും സിനിമാപ്രേമികളും ഒരുപോലെ കാത്തിരുന്ന ചിത്രമാണ് ബസൂക്ക. താരത്തിന്റെ സ്റ്റൈലിഷ് ലുക്കും വ്യത്യസ്തമായ വേഷവുമായെത്തിയ സിനിമ പ്രദർശനം തുടരുകയാണ്. സിനിമയുടെ അവസാനത്തെ ഇരുപത് മിനിറ്റിനും മമ്മൂട്ടിയുടെ പ്രകടനത്തിനും കയ്യടി ഉയരുന്നുണ്ട്. ഇപ്പോഴിതാ ആ രംഗങ്ങളെക്കുറിച്ച് സംവിധായകൻ ഡീനോ ഡെന്നിസിന്റെ വാക്കുകളാണ് ശ്രദ്ധ നേടുന്നത്.
'സിനിമയുടെ ക്ലൈമാക്സ് രംഗങ്ങൾ കേട്ടപ്പോൾ മമ്മൂക്ക ഭയങ്കര എക്സൈറ്റഡ് ആയിരുന്നു. അദ്ദേഹം ഭയങ്കര ഹാപ്പിയായിരുന്നു,' എന്നാണ് ഡീനോ പറഞ്ഞത്. പ്രേക്ഷകർ സിനിമ സ്വീകരിച്ചതിൽ സന്തോഷമുണ്ടെന്നും അദ്ദേഹത്തെ വ്യക്തമാക്കി.
' മമ്മൂക്ക ഭയങ്കര excited ആയിരുന്നു ' ❤️🔥
— Content Media (@contentmedia__) April 13, 2025
Director Deeno Dennis about the reaction of #Mammootty after the narration of the climax sequence in #Bazooka pic.twitter.com/csG0XLv1cf
മലയാളത്തിലെ എക്കാലത്തെയും മികച്ച രചയിതാക്കളിലൊരാളായ കലൂർ ഡെന്നിസിൻ്റെ മകനാണ് ഡീനോ. മമ്മൂട്ടിക്കൊപ്പം പ്രശസ്ത തമിഴ് സംവിധായകനും നടനുമായ ഗൗതം വാസുദേവ് മേനോൻ നിർണ്ണായക കഥാപാത്രത്തെ അവതരിപ്പിക്കുന്നുണ്ട്. ബെഞ്ചമിൻ ജോഷ്വാ എന്ന കഥാപാത്രമായാണ് ഗൗതം മേനോൻ ഈ ചിത്രത്തിൽ വേഷമിട്ടിരിക്കുന്നത്.
ചിത്രത്തിൽ സിദ്ധാർത്ഥ് ഭരതൻ, ഭാമ അരുൺ, ഡീൻ ഡെന്നിസ്, ദിവ്യ പിള്ള, സ്ഫടികം ജോർജ് എന്നിവരാണ് മറ്റ് പ്രധാന താരങ്ങൾ. കാപ്പ, അന്വേഷിപ്പിൻ കണ്ടെത്തും എന്നിവക്ക് ശേഷം സരിഗമയും തീയേറ്റർ ഓഫ് ഡ്രീംസും ചേർന്ന് നിർമ്മിക്കുന്ന ചിത്രം കൂടിയാണ് ബസൂക്ക.
Content Highlights: Deenu Dennis talks about Mammootty and Bazooka
